الأسئلة المتكررة
عندك أسئلة و عايزالها اجابات سريعة توصلى بيها لخدمات المنظم المحترف؟ عملنالك قائمة باكتر الأسئلة اللى بيسألهاعملائنا. لو لسة عندك اسئلة تانية ابعتلنا على الموقع أو الفيسبوك أو انستجرام أو الوتسآب.
س :يعنى ايه ديكلاترينج و ايه الفرق بينه و بين المنيماليزم ؟
الديكلاترينج هو العملية اللى بتوصلك للمنيماليزم
الديكلاترينج = تخلص من الكراكيب
المنيماليزم = تقليل
س : عبارة عن ايه اللى بنقدمه دة ؟
الخدمات اللى بنقدمها كلها بتدور حوالين انك تتعلم ازاى تعمل ديكلاترينج و تتخلص بيه من الكراكيب عشان توصل لمساحات أوسع و تكون جميلة سهل التعامل فيها بدون ارهاق و تعب.
س : ازاى أعمل ديكلاترينج ؟
بنبدأ بخزانة معينة , بنفضى كل اللى فيها. بنشوف ايه اللى محتاجينه من كل حاجة جواها ... بنحط كل محتوياتها فى كاتيجورى زى مثلا الايشاربات كلها مع بعض فى مكان واحد ... بنمسك كل حاجة و نسأل نفسنا هل أنا بأستخدم الحاجة دى ؟ هل أنا بحب الحاجة دى ؟ هل أنا هأستخدم الحاجة دى قريب ؟ هل ده مكان الحاجة دى ؟
لو مش بتحب الحاجة دى و مبتستخدمهاش اتخلصى منها و قولى لنفسك ان دى مساحتك اللى من حقك تتحكمى فيها .. ( فى الحالة دى لو اتبرعتى بالحجات دى الاحساس بالذنب هيتلاشى) فى كلا الحالات تمسكك بحجات لمجرد انك اشترتيها مش هيغير من واقع وضعها الحالى شئ
س : ازاى أحجز ؟
س : ايه الوقت اللى محتاجينه عشان نخلص ديكلاترينج ؟
ممكن تطلبى خدماتى بمتوسط 4 ساعات فى السيشن الزيارة و تخلصى الباقى كواجب منزلى ليكى و نتابه مع بعض أونلاين أو ممكن نشتغل البيت كله سوا من أوله لآخره ... دة هيعتمد على ميزانيتك و قوة الدافع عندك.
س : هل مفروض أجهز أى حاجة قبل ما توصلى ؟
الطريقة اللى بأستخدمها و أنا بعمل ديكلاترينج هو انى بأخرج كل حاجة من مكانها فهأحتاج السرير يكون فاضى فوقه عشان يستقبل كومة الهدوم اللى هتطلع من دولابك أو الدرسينج بتاعك و رخامة المطبخ يفضل تكون فاضية عشان أنزل عليها كل الحجات اللى جوا الدواليب.
س : هنودى الحجات اللى هتطلع فين و هنرمى الحجات التالفة ازاى ؟
فى حجات هنتخلص منها و هتترمى خالص و فى حجات تانية هنتبرع بيها أو نبيعها أو هنتصرف فيها بطرق تانية مختلفة.
أسئلة أخرى
س : ايه فايدة التنظيم ؟
فوائد كتير جدا! بيأثر على الدخل و الصرف ... بمجرد ما تعرفى انتى عندك ايه مش هتشترى من نفس الحاجة كتير جدا. بتعرفى أماكن الحاجة فبيكون سهل تلاقيها أو توصلى لمكانها. بيكون عندك سلام و هدوء داخلى و بيخلى التنضيف عملية أسرع و أسهل.
س : مين هو المكتنز قهريا ؟
حد بيشترى حجات كتير جدا و مبيرميش أى حاجة لدرجة الحجات بتتكوم فوق بعضها و بتقف عائق قصاد الحياة الطبيعية لأن الانسان المكتنز بيحتفظ بكل حاجة و كل الذكريات و المعلومات فى حالة احتاجها فى المستقبل.
س : ليه الناس بتكتنز قهريا ؟
الناس بتؤمن ان الحاجة ليها قيمة أو هيكون ليها قيمة فى المستقبل. التعلق بالأشياء بيديك احساس بالأمان و بيعمل برستيج ... الامتلاك بيدى احساس للناس انها متواصلة و مهمة. التخلص من الأشياء بيكون صعب فى أوقات معينة. الاكتناز القهرى كسلوك قد يصل الى حد المرض العقلى.
أسئلة أخرى خاصة بالبراند
س : يعنى ايه امبرمانينس ؟
'Mpermanence ..... (Impermanence- I am permanence)
اقرأها بالطريقة اللى تناسبك ..... كل المعانى مقصودة
ليه اخترنا الاسم دة ؟ ....
الاسم معناه الحرفى لما نترجمه هو عكس الثبات أى "التغيير"
لأن الكون كله في حالة حركة ...
الفاكهة و الشجر و الجو و المناخ و كل ما هو على اتصال بالطبيعة
فأكتر حاجة بتتعب الانسان هو تمسكة بمنطقة الراحة بتاعته لأنه جزء من الطبيعة و اتخلق منها
و عشان كدة بنعمل ديكلاترينج و هدفنا دايما اننا نعيش المنيماليزم
للتواصل
العنوان : القاهرة , مصر
01007049663 : الرقم